lmgharba w l3id

[nournat]

lyoum f la fin de soirée knt dayz mn centre ville , bnadem kharej kayk3ot tala9in rejlihoum , zz7am , 7da nnafoura nnass mjaw9in , ma fhamtch ach kaydirou 7da nnafoura wach ghi dayrine zz7am lle7mam w safi ? ...
walakin lyoum tani 3id w nnass 9bal mn l3id katkoun 3andhoum wa7ed l'energie positive kaybghiw fin idecharjiwha , ddawla kat3raf ghi tetla9 lbouliss w safi , amma tnoud tnaddam lbnadem chi mihrajanat i7tifaliya , machi walabdda ykoun fiha big lkhasser wlla rap w snap w tektonik , hada 3id lmousslimine , 3lach lli maynaddmouch chi tadahourat ta9afiya , chi 7aja tkoun fiha ttsliya lhadifa ...
7na lmousslimin 3andna jouj 2a3yad w seb7an llah had jouj 2a3yad wllaw kaydouzou 3andna ma9natine, nhar l3id l7aja lwa7ida lli katkoun fih zwina hiya salat l3id w mn ba3d makayn walou ghi l9anta , nass 3la barra , makayfaltouch b7al had lmounassabat bach idirou chi 7aja ynadmou chi tkharbi9a , charikat katsponsorizi mihrajanat ta9afiya ... amma 7na charikat dyawlna , alboukhl llay7fad !
zman knna chkel khour , nhar l3id arak l dyaf , chi jay chi kharej w far7at l3id marssouma f wwjah l2atfal , daba 7tta drari ssghar msakan , katlgahoum nhar l3id , mkanzzin m3a chi maneta dyal lplay staition watta 7wayj l3id ma b9awch kaybghiw ilabssouhoum ...
finek a yamat lmagana dyal lmika w ndader dyal lmika w zammara dyal lmika , attoufoula lmoucharrada walkin toufoula 7lowa , fl7a9i9a kanchfa9 3la had l2ajyal lli jayya , ma chafou ma tchawfou ...
a finek a dawla , rajj3i lina ghi zammarat wlmaganat w ndader dlmika ((((((

[alexander]

les marocains ont perdu le sense du 3id. c est pour eux un jour ferie et c est tout. quelle malheure

[zineb1986]

tu as raison..wlah

kana kantssanawe ghir wa9tache yji l3id .. o fe lilto makanche yjina n3ass .. baghine ghir imta labsso 7wijatna ...

tal3ine bel7alwa 8abtine bal7alwa..


aaaaaaaaaaaah 3la yamate zmane >>>>>>(li sma38a ygol and8a 100 ans )

[gazelle97]

fel7a9e9a makhelitili mangoul 3andek l7e9 fina8ya dik lyam zouina
koulchi 8adchi men l7adara (le progrès) bchwia bchwia ta9alid dyalna tayreklo8a
hamdoullah li mazal chi nass kharjin lmoudoun lekbira manessyen8ach

[nikita]

3andkom saaaaa7
ana ba3da mrida nafsaniyan man had na7iya o 3it walah

[anaayoub]

daba had nass ila ma tal9och rajlihom f zna9i ach radi ydiro ?
khasskom t3arfo bi ana aghlabia dyal douk nass li tama machi nass dyal casa ghir jayine khadamine hna o b3ad 3la 3a2ilathom ila bgha yamchi ychouf darhom khasso 16h du route allahoma ykhroj ychouf l7mam o yd7Ak 3Lla s7Ab tectonik f nevada oula yb9a m9Abal soumila o lfinition
PS: hier kanet nayda f nevada kano dayrine mihrajan lfonoun cha3bia ga li 3ando chi taro 9albo kamanja

[nournat]

kayna wa7ed l7aja katsamma ta9afat lfara7 ... lmghraba fta9douha , wllina 3aychine f une monotonie rhiba w 9attala, 3aychine ghir bach ndawzou hadchi lli kattab llah w safi , llil wlla b7al nhar w tnin wlla b7al jem3a w 3id lkbir wlla nhar dyal tssya9 jjarda mn jelbana w dmayat , ramdan wlla ch8ar dyal n3ass w karta w l2a3ssab , 7atta 3id l3arch lli kan ch7al hadi hadi twgaf fih l9raya simana avant w arak l2anchita lmouwaziya w tta7dirat wl2anachid w l2ajwa2 li7tifaliya f jmi3 lmadariss , bghadd nadar 3an ssiyassa machoughlich fiha , knna kanzaw9ou l2a9ssam w kantssanaw dak l3id b farigh ssabr ... wlla kaydouz ghir balagh mn wizarat tachrifat w l2awssima , lli sam3ou rah jab lih lkhbar lli ma sam3ouch , ra ma kay3raf tta 3lach le jour est ferier , l3id lkbir , wllaw nnass kaymchiw ichriw kessda wajda mn marjan , w ijibouha ikhaznouha f lfriguou , chi w7dine wllaw ga3 kayharbou kaymchiw idawzouh f sbanya , gal lih harbanin mn lkhnez lli kaykounou f chwara3 , yak alma3ti 39alti fach kan bbak kaymed lik lkercha tna99iha biddik ??? ...

ta9afat lfara7 n3admat b chakl khatir you7i bi 2anna had cha3b 3aych 2azma nafssiya khatira w fblasst ta9afat lfara7 kabrat fina ta9afat tfou w ta9afat glab 3la 2assl mmi rani ma na3ach mzyan ...

w lmass2oumliya ??? ... chkoun darha ??? koulna mss2oulin ... koulla wa7ed fina 3andou chwiya dyalou , nssina nfar7ou ...

[anaayoub]

wa daba a khouya nournat rah nass baghine yfra7o rah ma kaynch fine o 7ta ila kane rah kay diro lihom mihrajnat wasst l3am f lwa9t li kay koun bnadam khasso ykhdam o flwa9t dyal mti7anat lbac o lmadariss l3olia kay bdaw lmihrajant o daba li 3otla ma kayn walou wach had nass kay da7ko 3Lina ?
nevada dima fiha saharat o rwina o nhar l3id drari dayrine tbal o taro dyal lcola o jam3ine jo9a o kay ghaniw
ana li bghit nfham howa 3Lach ma nadmoch 7yatna o 3Lach ma tjich moubadara cha3bia o nssaw 3Lina had dawla li ma fiha far7 o ma baghach lina lkhir
nadmo rossna b rossna o les sociétés li m7Ay7ine o kay dakhlo lmalayr bla ma ydiro ta machro3 khayri ndaghto 3Lihom o bazaz manhom ythala f had cha3b li kay yaklo lih f raz9o

[Fanida]

ta7Aja mab9at katfare7 bnadem, l3ala9at bdaw lay9lalou, zyarat kayne9sou, bnadem wella ghare9 fmachakil l7ayat ou mab9ach baghi yekhroj menha wakha ghir hadak nhar l3id.

kifma gal nournat khasna tada8orat, yenadmou chi 7aja fhad lmoasabat 3la l2a9al yel9aw nass ghir fin yekharjou wladhoum ye7esou belfar9 bin had nhar ou l2ayam l3adia.

[Arwas]

Bessa7 mab9at far7a nhar l3id...
Khroujt ana ou mmi mn 12 dial nn8ar tta l seb3a dial l3chiya f dak nn8ar lmoubarak, waaaaaaaaaaalou makayn mayddar, b9ina gha galsine 3la ttrotoir f chari3 Mohamed VI kanchoufou f lkhoroto..ou lkhoroto kaychouf fina..

Mlli 3yina b'lglas mchina f7anna, b3d mma chrat li mmi nffakha b drham....